Inissianik attartorneq pillugu Inatsisartut peqqussutaata allanngortinneqarneranik Inatsisartut peqqussutaat nr. 18, 12. november 2001-imeersoq.
(Inissiat attartortittakkat pisortanit pigineqartut ingerlanneqarnissaat, aqunneqarnissaat, attartornermullu akiliutit aalajangersartarnerat pillugit malittarisassiornissanut piginnaassuseqartitaaneq)
§ 1.
Inissianik attartorneq pillugu Inatsisartut peqqussutaanni nr. 5-imi 31. maj 2001-imeersumi makkua allannguutigitinneqassapput:
1. § 9-imi imm. 4-tut ikkunneqassaaq:
"Imm. 4. Namminersornerullutik Oqartussat kommuunillu inissiaataasa attartortittakkat aqunneqarnissaat ingerlanneqarnissaallu pillugit Naalakkersuisut erseqqinnerusumik malittarisassiussapput, matuma ataani aqutsinermut akileeqataassutip immikkoortitaarneqartarnissaa aamma akileeqataassutinut akiliutinullu avinneqartarnissaa, aningaasaatit aqunneqarnissaat, aningaasatigut siumut missingersuusiortarnissaq, naatsorsuutinik saqqummiussisarnissaq kukkunersiuisarnissarlu malittarisassiorlugit."
§ 2.
Inatsisartut peqqussutaat atuutilissaaq ulloq 1. januar 2002.
Namminersornerullutik Oqartussat, ulloq 12. november 2001.
Jonathan Motzfeldt/
Jørgen Wæver Johansen